Нұр-Сұлтандықтар 6 мамырдан бастап Sinopharm вакцинасын салғыза алады
astana.gov.kz
Қала тұрғындары вакцинаның түрін өзі таңдай алады.
Қытайдың коронавирусқа қарсы Sinopharm вакцинасының 7 400 дозасы Нұр-Сұлтанның Қоғамдық денсаулық сақтау басқармасының қоймаларына жеткізілді. Бұл туралы онлайн-брифингте ведомство басшысы Тимур Мұратов мәлім етті, деп хабарлайды zakon.kz қала әкімдігінің ресми сайтына сілтеме жасап.
Жақында басқарма қоймаларына 7 400 дозада қытайлық Sinopharm вакцинасы жеткізілді. Елорда тұрғындарын Қытай вакцинасымен вакцинациялауды ертеңнен бастап МСАК ұйымдарында, яғни медициналық ұйымдарда ғана бастаймыз. Екпе қабылдағысы келетін адам вакцинаның түрін өзі таңдайды, - деді Қоғамдық денсаулық сақтау басқармасының басшысы.
Ол сондай-ақ, бүгінде елордада коронавирусқа қарсы вакцинациялаудың 100-ден астам егу пункті жұмыс істейтінін еске салды: МСАК мекемелерінде және қаланың ірі СОО-ларында. Олар сағат 08.00-ден 22.00-ге дейін жұмыс істейді.
Қала тұрғындары вакцинаның түрін өзі таңдай алады. Қазір мынадай вакцина түрлері қолжетімді: қазақстандық QazVac, ресейлік "Спутник V", енді қытайлық Sinopharm.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
