Көлгінов қандай көлікке "мініп" жүргенін айтты

Ол әкімдік қызметкерлері келісімшарт жасасқан такси қызметінің қызметін пайдаланатынын атап өтті.

Нұр-Сұлтан қаласының әкімі Алтай Көлгінов жұмысқа қандай көлікпен баратынын айтты, деп хабарлайды zakon.kz тілшісі.

Ол әкімдік қызметкерлері келісімшарт жасасқан такси қызметінің қызметін пайдаланатынын атап өтті.

Мен қазір Toyota Camry көлігімен жүрмін. Менің орынбасарларым да Қазақстанда шығарылған автомобильдерге мінеді. Жасыратын несі бар, біз такси қызметін қолданамыз, - деп жауап берді әкім ОКҚ-де.

Естеріңізге сала кетейік, елорда әкімдігінің қызметкерлері 2018 жылы қызметтік көліктерінен таксиге көшкен болатын.

Мұндай шешім бірнеше жыл бұрын қабылданған. Бөлім басшылары, әкім орынбасарлары, аудан әкімдері - барлығы такси қызметін пайдаланады, - деді нақтылап Көлгінов.