Қазақстанда әскерилердің 98%-і вакцина алды

Қорғаныс министрлігіне қарасты әскери қызметкерлер мен персоналдың 98%-і вакцина алған, деп хабарлайды zakon.kz ҚазАқпаратқа сілтеме жасап.

Қорғаныс министрінің орынбасары Тимур Дәндібаев орталық коммуникациялар қызметінде осындай мәлімет айтты.

"Бүгінде Қарулы Күштер жеке құрамының 89%-тен астамы вакцинаның екі компонентін де алды. Жалпы әскерилер мен азаматтық персонал өкілдерінің 98%-і екпе алған. Яғни, тек медициналық қарсы көрсетілімдері бар адамдар ғана екпе алған жоқ. Шұғыл қызметтің әскерилері 100% вакцина қабылдады. Оның 93%-і екі компонентті де алып үлгерді", - деді министрлік өкілі.

Сондай-ақ ол жеке құрам арасында вакцинация белсенді ұйымдастырылғандықтан ұжымдық иммунитет қалыптасып, соның арқасында көптеген шектеулер күшін жойғанын айтты.

"Бұған дейін де айтқанымыздай, қатарымызда ұжымдық иммунитет қалыптасқан. Бұл көптеген шектеуді алып тастауға мүмкіндік беріп отыр. Соның арқасында жоспарланған әскери дайындықтарды жүргізіп, шараларды толық көлемде атқару мүмкін болып отыр", - деді министрдің орынбасары.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021