Қытайдың атынан өнер көрсететін қазақ Токиода жүлде алды

Уәлихан 1993 жылы Шыңжаңның Дөрбілжін ауылында өмірге келген.

Қытай құрамасының атынан сынға түсіп жүрген қазақ Уәлихан Серікұлы Токио Олимпиадасының қола жүлдегері атанды, деп хабарлайды zakon.kz malim.kz-ке сілтеме жасап.

Уәлихан қола үшін бәсекеде украиналық палуан Ленур Темировты жеңді.

60 келі салмақта өнер көрсететін Уәлихан Олимпиададағы алғаш кездесуінде неміс Этьен Кинзингерден басым түсті. Алайда ширек финалда жапониялық Кеничиро Фумитеден жеңілген. Сосын үшінші орын үшін күресуге мүмкіндік алып, алдымен алжирлік Әбділкарим Фергатты жеңді.

Уәлихан 1993 жылы Шыңжаңның Дөрбілжін ауылында өмірге келген. Венгияда өткен әлем чемпионатының қола жүлдегері, Азия біріншілігінде де үшінші орын алған.