Жамбыл облысы әкімінің орынбасары Ұлан Жазылбек қайтыс болды

Марқұм 2020 жылдың мамырында Жамбыл облысы әкімінің орынбасары болып тағайындалған еді.

Жамбыл облысы әкімінің орынбасары Ұлан Жазылбек дүниеден озды. Қаралы хабарды Жамбыл облысы әкімдігінің баспасөз қызметі растады, деп хабарлайды zakon.kz.

Ұлан Жазылбек 1962 жылы туған. Ол Алматы сәулет-құрылыс институтын инженер -құрылысшы мамандығы бойынша, сонымен қатар Д.Қонаев атындағы университетті құқықтану мамандығы бойынша бітірген.

Осы жылдар ішінде ол Алматы қаласындағы сәулет-құрылыс бақылау және лицензиялау департаменті директорының орынбасары, Ұлттық экономика министрлігінің өңірлік даму департаментінің директоры, құрылыс индустриясын дамыту және тұрғын үй коммуналдық шаруашылық департаментінің директоры болып жұмыс істеді.

Ұлан Жазылбек 2020 жылдың мамырында Жамбыл облысы әкімінің орынбасары болып тағайындалды.