КВИ-ға қарсы вакциналау туралы Ванганың болжамы деген фейк болып шықты
pixabay.com
Желі қолданушылары болгар көріпкелі Ванганың кезекті "болжамын" жаппай бөлісіп жатыр, деп хабарлайды zakon.kz.
Долбарға сүйенсек, COVID-19-ға қарсы жаппай вакциналау былай сипатталады: "Адамдар өлімге кезекке тұрады, содан кейін келе жатып, құлайтын болады".
Дегенмен stopfake.kz мәліметі бойынша, Ванганың мұндай мәлімдемелер жасағаны туралы ешқандай дәлел жоқ. Ванганың үлкен энциклопедиясында 2020, 2021, 2022 және 2023 жылдарға арналған болжамдар жоқ.
Бұл күндерге жақын болжамдар 2018 және 2024 жылдарға жасалған. Көріпкел 2018 жылы адамның күші мен денсаулығын қалпына келтіретін ерекше дәрі пайда болады деп болжады. Препарат жылқы, тасбақа және ит гормондарынан тұруы тиіс еді. Мұндай дәрі әлі де жасалмағаны белгілі.
Ванганың айтуынша, 2024 жылы Ресейде бейбітшілік пен әл-ауқат дәуірі басталады, ол 1000 жылға созылады. Бүгінгі таңда көріпкелдің айтқаны шын ба, жоқ па, белгісіз.
Бұған дейін желіде коронавирустық пандемияға қатысты болгар көріпкелінің тағы бір жалған болжамы тараған болатын. Желі пайдаланушылары мен кейбір БАҚ "болжамды" былай деп келтірді: "Адамзат үшін өте маңызды оқиға бес екілік жылында болады. Айналып жыл келгенде бүкіл әлемге қиын болады. Қиындық "сарыдан" келеді. Планетада қысқа уақыт ішінде көп адамның өмірін қиятын өткенде болған қорқынышты ауру тарайды. Олар көшеде келе жатып, құлап, өледі. Алайда, Ванганың бұл сөзінің шын екендігіне ешқандай дәлел жоқ.
