Көлік жүргізушілеріне бензинді қалай үнемдеуге болады - сарапшы

pixabay.com

Көлік жылдамдығын асыра сілтеу жол ережесі тұрғысынан қауіпті болып қана қоймай, сонымен қатар уақыт пен жанармай шығыны жағынан да тиімсіз.

Маман автокөлік жүргізушілеріне жанармайға кететін шығынды қысқарту бойынша кеңес берді, деп хабарлайды zakon.kz РИА Новостиге сілтеме жасап.

Оның пікірінше, мұндай жағдайда автокөлік жүргізушілері ескі әдеттерінен бас тартуды ойлануы керек. Сонымен қатар, жанармай шығынын азайтудың дәлелденген әдістері де бар.

Бірінші лайфхак - көлікті газға ауыстыру. Егер бензиннен бас тартатын болсақ, онда біз әлдеқайда арзан метанға немесе пропанға ауысамыз. Мұндай отын түрі көп үнем береді, - дейді РФ Ұлттық автомобиль одағының вице -президенті Антон Шапарин Sputnik радиосына берген сұхбатында.

Антон Шапариннің айтуынша, автокөлікке газ қондырғысын орнату қосымша едеуір ақшаны қажет етеді, бірақ ол кейін өзін-өзі тез ақтап алады.

Жанармаймен жүретіндер үшін сарапшы көлік жүргізу стилін өзгертуге кеңес береді.

Кенеттен газ немесе қалт тежегіш педалін басу отын шығынын айтарлықтай арттырады. Сондай -ақ, тас жолда жылдамдықтың оңтайлы шегін сақтау қажет - сағатына 120 шақырымнан аспауы керек (сағатына 130 шақырыммен - ред.), ал одан асырсаңыз бензин тез "желінетін" болады, - деп кеңес берді сарапшы.

Мен бірнеше рет байқадым: 120 жылдамдықпен келе жатқанда бір көлік 160 жылдамдықпен сізді басып озса, ақыр соңында бәрібір соңғы нүктеге сіз бірінші болып жетесіз, өйткені ол үнемі жанармай құю бекетіне тоқтап, уақытын жоғалтады, - деп сөзін қорытындылайды Антон Шапарин.

Оқи отырыңыз