Ресей коронавирусқа қарсы тағы төрт жаңа вакцина әзірлеп жатыр

zakon.kz

Менің ойымша, олар "дельта", "дельта плюс" штаммдарына қарсы қолданыс үшін айналымға шығарылады - иммунолог.

Ресейлік иммунолог, "КЭГ" келісімшарттық зерттеу компаниясының бас директоры, медицина ғылымдарының кандидаты Николай Крючков Ресейде коронавирусқа қарсы жаңа вакциналардың жасалып жатқаны туралы айтты, деп хабарлайды zakon.kz.

Маманның айтуынша, келесі жылдың көктеміне дейін төрт жаңа вакцина тіркелуі тиіс.

Менің ойымша, олар "дельта", "дельта плюс" штаммдарына қарсы қолданыс үшін айналымға шығарылады, - дейді иммунолог Ura.ru басылымына.

Оның айтуынша, тура осылардың ауруға қарсы күші мықты.

Крючков коронавирустың "дельта" нұсқасы өз ішінде мутациялана беретінін болжады.

Бәрібір вирустың басты белгілерін ескеріле отырып, вакцина жасала беретін болады, - деп сөзін қорытындылады дәрігер.

Бұған дейін Ресей Денсаулық сақтау министрлігінің басшысы Михаил Мурашко Sputnik V ресейлік вакцинасының коронавирустың дельта штаммына қарсы тиімділігі шамамен 83 пайызды құрайтынын айтқан болатын. Сонымен қатар ол вакцина 95 пайыздан астам жағдайда COVID-19-дың ауыр жағдайынан қорғайтынын атап өтті.

Оқи отырыңыз