Жаңалықтар тізбегі
0

Тоқаев пен Путин Өңіраралық ынтымақтастық форумына қатысады

government.ru government.ru
Қазақстан мен Ресейдің Өңіраралық ынтымақтастық форумы Көкшетауда өтеді деп жоспарланып отыр. 2020 жылы бұл шара коронавирус пандемиясына байланысты болмай қалған еді.

Қазақстан президенті Қасым-Жомарт Тоқаев пен Ресей президенті Владимир Путин екі елдің өңіраралық ынтымақтастық форумына қатысады. Бұл туралы Ресей Федерациясының Премьер-министрі Михаил Мишустиннің Қазақстан Президентімен кездесуі кезінде белгілі болды, деп хабарлайды zakon.kz.

Біз мемлекет басшыларының қатысуымен болатын Ресей мен Қазақстанның кезекті Өңіраралық ынтымақтастық форумына дайындалып жатырмыз, - деді РФ премьер-министрі.

Михаил Мишустин Қасым-Жомарт Тоқаевқа ресейлік әріптесінің ең жақсы тілектерін жеткізді және өз делегациясын Нұр-Сұлтанда жылы қабылдағаны үшін алғысын білдірді.

Ынтымақтастық үшін үлкен мүмкіндіктер бар. Сауда-экономикалық ынтымақтастық жақсы қарқынмен дамуда. 2021 жылдың бірінші жартысында өзара тауар айналым көлемі үштен бірге өсті. Біз жыл соңына дейін жақсы, рекордтық көрсеткіш күтеміз, бұл үшін барлық алғышарттар бар, - деді Мишустин Қазақстан Президентіне.

Михаил Мишустин екі елдің инвестициялық бағыттағы табысты өзара әрекеттестігін атап өтіп, ресейлік бизнес Қазақстандағы 32 ірі жобаға қатысатынын, ал қазақстандық әріптестер Ресейдегі жобаларға белсенді қатысатынын айтты. Сонымен бірге ол мұнда аймақаралық диалог маңызды рөл атқаратынын қосты.

Қол қою үшін өте маңызды келісім дайындалуда, бұл, әрине, ынтымақтастықты одан әрі дамытуға елеулі серпін береді, - деді Қазақстан Президенті.

Қазақстан мен Ресейдің Өңіраралық ынтымақтастық форумы Көкшетауда өтеді деп жоспарланып отыр. 2020 жылы бұл шара коронавирус пандемиясына байланысты болмай қалған еді.

Айта кетсек, 18-19 тамызда Михаил Мишустин жұмыс сапарымен Нұр-Сұлтанға келді.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: