Тәліптерді біз мойындаған жоқпыз - ҚР СІМ
zakon.kz
Сыртқы істер министрінің орынбасары Ақан Рахметуллин Қазақстанның Талибан қозғалысына қатысты ұстанымын айтты, деп хабарлайды zakon.kz тілшісі.
Біз "Талибанды" (Қазақстан мен басқа елдердің аумағында тыйым салынған ұйым) мойындамадық. Өздеріңіз білесіздер, кеше Сыртқы істер министрлігі Ауғанстандағы жағдай бойынша ресми мәлімдеме жасады, - деді Рахметуллин.
Оның айтуынша, Қазақстан бұл елдегі жағдайды мұқият қадағалап отырады, БҰҰ Қауіпсіздік Кеңесінің инклюзивті және өкілдік үкімет құру, ұлттық азшылықтар мен әйелдердің құқықтарын құрметтеу, басқа мемлекеттерге қауіп төндіретін топтардың болуына жол бермеу, халықаралық құқықты сақтау туралы мәлімдемесін қолдайды.
Сонымен қатар, көп жылдық тәжірибе ауғандықтардың өздері жүргізетін процестің баламасы жоқ екенін растады, ал ел азаматтарының өзі мемлекеттік және қоғамдық құрылымның ең оңтайлы моделін анықтауға мәжбүр болады, - деп түсіндірді Сыртқы істер министрінің орынбасары.
Министр орынбасары қазір қандай да бір ел "Талибанмен" дипломатиялық қарым-қатынасты мойындады немесе орнатты деп айту мүмкін емес екенін атап өтті. Қазір барлық жағдай қадағалануда, барлығы тәліптердің әрекеттері мәлімдемелеріне сай келуі мен бұл тараптың келіссөздер жүргізуге қабілеттілігіне байланысты болады.
Қандай да бір мұндай байланыстар болған жоқ. Кабулдағы біздің елшіліктің хабарлауынша, тәліптердің бір бөлігі келген бетте біздің елшілік орналасқан аймаққа кірген. Елші көшеге шыққан, көшеде полиция да, күзет те болмаған. Бір тәліп жақындап келіп ода: "Сен кімсің, қандай елшіліктесің?" деп сұраған. Бұл Қазақстанның елшілігі екенін айтыпты. Олар: "Ештеңеден қорықпаңдар, қалай жұмыс істеп жатырсыңдар, солай жұмыстарыңды істей беріңдер, сендер біздің қорғауымыздасыңдар" депті. Содан бері олар біздің елшілікті күзетуде. Әзірге тек осы деңгейде ғана байланыс болды, - деп түсіндірді Рахметуллин.
