Цой эпидахуалға байланысты жаңа болжамдарымен бөлісті

zakon.kz/ Павел Михеев

Ол пессимистік, реалистік және оптимистік сценарий бойынша үш болжамға тоқталды.

Денсаулық сақтау министрі Алексей Цой күздегі коронавирус инфекциясына байланысты жаңа болжамды жариялады, деп хабарлайды zakon.kz тілшісі.

Денсаулық сақтау министрлігі коронавирус инфекциясы бойынша эпидемиологиялық жағдайдың қараша айына дейінгі болжамын жаңартты. Пессимистік сценарий бойынша қыркүйекте тәулігіне тіркелген жағдайлардың орташа саны 6 300 жағдайға дейін, қазанда 2 400 жағдайға дейін болады. Реалистік сценарий бойынша қыркүйекте 5 300 -ге дейін, қазанда 1 800-ге дейін жетеді. Оптимистік сценарий бойынша қыркүйекте 4 200 жағдайға дейін, ал қазанда тәулігіне 1 300 жағдайға дейін тіркеледі, - деді Денсаулық сақтау министрі үкімет отырысында.

24 тамыздағы жағдай бойынша елімізде КВИ-дан 123 226 адам емделіп жатыр, оның 28 577-сі ауруханада, ал 94 649 адам амбулаторлық деңгейде ем алуда.

Ауыр жағдайда - 1824, өте ауыр жағдайда - 555, жасанды тыныс алу аппаратына қосылғандар - 267 науқас.

Оқи отырыңыз