Тоқаев Қорғаныс министрін отставкаға жіберді

Қасым-Жомарт Тоқаев Нұрлан Ермекбаевты қызметінен босатты, деп хабарлайды zakon.kz.

Бұл туралы Президенттің баспасөз хатшысы Facebook парақшасында жазды.

Мемлекет басшысы Қасым-Жомарт Тоқаев Қорғаныс министрі Нұрлан Ермекбаевтың қызметтен босату жөніндегі рапортын қарастырып, оның өтінішін қабылдады, деп нақтылады Берік Уәли.

27 тамызда Жамбыл облысында болған жарылыстардан кейін Қорғаныс министрі Нұрлан Ермекбаев отставкаға кетуге дайын екенін мәлімдеген еді.

Менің басты мақсатым - төтенше жағдайдың салдарын жою. Егер отставкаға кету жайына келетін болсақ, мен бұл жаңалықты естіген бойда өзім үшін шешім қабылдадым: өз еркіммен отставкаға кетемін, отставка сұраймын. Қалғанының барлығын жоғары басшылық шешеді, - деді Ермекбаев.

Нұрлан Ермекбаев 2018 жылдың тамызында Қорғаныс министрі қызметіне тағайындалды. Ол бұл тағайындауға дейін ҚР Президентінің көмекшісі - Қазақстан Республикасы Қауіпсіздік Кеңесінің хатшысы қызметін атқарды.

Айта кетсек, 26 тамыз күні кешке Жамбыл облысында жарылыстар болды. Соңғы мәліметтер бойынша, 15 адам қаза тапты.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021