Қыркүйектің алғашқы күндері жылы болады
Pixabay
Қазгидромет Қазақстан бойынша 2021 жылдың 2-4 қыркүйегіне арналған ауа-райы болжамын жариялады, деп хабарлайды zakon.kz.
Еліміздің солтүстік жартысында ауа температурасының төмендеуіне алып келген суық солтүстік-батыс антициклоны, шығыс бағытқа ауысып, Қарағанды және Шығыс Қазақстан облыстарының солтүстік өңірлерінде топырақ бетінде түнгі үсік жүруі мүмкін.
Еліміздің батыс өңірлерін, сондай-ақ атмосфералық фронттардың ықпалымен 2-3 қыркүйекте қатты жаңбыр жауып, жел күшейеді деп күтілетін елдің оңтүстік-шығысындағы таулы аудандарды қоспағанда, антициклонның ықпалымен республиканың басым бөлігінде жауын-шашынсыз ауа-райы сақталады.
Еліміздің басым бөлігінде ауа температурасының күндіз 25-30-ға дейін, республиканың оңтүстік жартысында 37 градусқа дейін біртіндеп көтерілуі күтіледі.
Тек еліміздің батысында 17-25 жылуға дейін төмендейді деп күтілуде.
