Токиода Паралимпиадашылар ойындары аяқталды
![Оргкомитет "Tokyo 2020", сурет - Zakon.kz жаңалық 06.09.2021 15:40](https://kaz.zakon.kz/pbi/WEBP/2023-12-20/file-3de2fa82-29fd-4d4b-9f91-e0a5fb51f816/800x452.webp)
Халықаралық Паралимпиада комитетінің (IPC) президенті Эндрю Парсонс Токио ойындарын жабық деп жариялады, деп хабарлайды zakon.kz.
5 қыркүйекте Жапония астанасындағы ұлттық стадионда жарыстың жабылу салтанаты өтті. Шараға көрермендер қатыспады, - деп жазады lenta.ru.
Паралимпиада 24 тамызда басталды. Спортшылар 22 спорт түрі бойынша 539 медальдар жиынтығына таласты. Жалпы командалық есепте І-орынды Қытай спортшылары жеңіп алды. Олардың еншісінде 96 алтын, 60 күміс және 51 қола медаль бар. Ұлыбританиялық спортшылар ІІ-орынды иеленді (41, 38, 45), мықтылардың үштігін америкалықтар түйіндеді (37,36, 31).
Айта кетсек, қазақстандық спортшылар Паралимпиада -2020 ойындарын бес медальмен аяқтады, бұл - ұлттық құраманың тарихындағы ең жақсы нәтиже.
Пауэрлифтингші Давид Дегтярев алтын, дзюдошылар Әнуар Сариев, Теміржан Дәулет пен Зарина Байбатина күміс, суға жүзуші Нұрдәулет Жұмағали қола медаль алды.