Жанкүйерлерге футболды Еуропа стадиондарында тамашалауға рұқсат етілді

Бірақ УЕФА бұл мәселені ойынды қабылдаушы елдің санитарлық жағдайына байланысты жергілікті биліктің өзі шешетінін де баса айтты.

Еуропалық футбол қауымдастықтары одағы (УЕФА) қонақ болушы команда жанкүйерлеріне матчты стадионнан тамашалауға рұқсат берді, деп хабарлайды zakon.kz.

Осыған орай, қазақстандық футбол жанкүйерлері енді өздерінің сүйікті клубының немесе ұлттық құрамасының сырттағы ойындарының билетіне тапсырыс бере алады. Бірақ УЕФА бұл мәселені ойынды қабылдаушы елдің санитарлық жағдайына байланысты жергілікті биліктің өзі шешетінін де баса айтты.

"Қайрат" фан-клубының өз командасына қолдау көрсетуге биыл мүмкіндігі зор. Алматылықтар - қазір Еуропа аренасында ойын тамашалап жүрген жалғыз ұжым.

30 қыркүйекте "Қайрат" сырт алаңда швейцариялық "Базельмен" бақ сынасады.