Ашғабадта коронавирустан тәулігіне жүздеген адам қайтыс боп жатыр

azathabar.com (RFE/RL), сурет - Zakon.kz жаңалық 14.09.2021 16:03 azathabar.com (RFE/RL)
10 қыркүйекте қаланың Чоганлы ауданындағы мәйітханаға 300-ге жуық адамның денесі жеткізілген.

Ашғабад мәйітханасына күн сайын коронавирустан қайтыс болған жүздеген адамның сүйегі жеткізіліп жатыр. Бұл туралы Азаттықтың түркімен қызметі денсаулық сақтау мекемелеріндегі дереккөздеріне сүйеніп хабарлайды.

Ақпаратқа қарағанда, 10 қыркүйекте қаланың Чоганлы ауданындағы мәйітханаға 300-ге жуық адамның денесі жеткізілген.

Жергілікті тұрғындар мазарларда мәйітті жерлеу үшін жер қазуға адамдар жетіспей, экскаваторлар қазып жатқанын айтады. Олардың сөзінше, коронавирустан үйінде қайтыс болғандар бірден жерленіп жатыр. Жаназасына да ешкім қатыстырылмайды.

Тілшілердің айтуынша, коронавирусты анықтау тесті өлкеде COVID-19 вирусының "Дельта" штаммы бар екенін көрсеткен.

Соңғы ақпараттарға қарағанда, Мары облысында мемлекеттік мекемелерде істейтін қызметкерлерге вакцина алмағандарды жұмыстан шығарамыз деп ескерткен.

Биыл ақпан айынан бастап Түркіменстанда COVID-19 вирусына қарсы вакцина алу барлық азаматтарға міндеттелген.

Түркіменстан билігі әлі күнге дейін елде ковид вирусы анықталмады деп келеді.

Мақаламен бөлісу
Мақаламен бөлісу:
zkadm
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: