Шахматтан өткен әлем біріншілігінде Қазақстан екі қола медаль еншіледі

"Алтын" үшін таласқан шешуші матчта әлемнің екі үздік командасы бақ сынады: Ресей мен Үндістан.

Испанияда әйелдер арасындағы шахматтан өткен әлем біріншілігі өз мәресіне жетті, деп хабарлайды zakon.kz.

"Алтын" үшін таласқан шешуші матчта әлемнің екі үздік командасы бақ сынады: Ресей мен Үндістан. Айта кетсек, Үндістан спортшылары ширек финалда қазақстандық төрттікті, жартылай финалда Грузияны ұтты. Бірақ финалда үнді қыздары әлемнің қазіргі чемпиондары - Ресей шахматшыларын жеңе алмады.

Ресей шахматшылары теңдесіз шеберліктерін тағы бір мәрте дәлелдеді. Соңғы кездесу ресейлік шахматшылардың пайдасына шешілді: 2,5: 1,5 және 3: 1.

Әлемдік біріншілікте командалық жарыстардан бөлек алғашқы үш тақта нәтижесі де ескерілді. Мұнда қазақстандық шахматшылар екі жүлдеге ие болды. Динара Сәдуақасова мен Меруерт Камалиденова қола жүлдегер атанса, Жансая Әбдімәлік IV-орынға табан тіреді.