Тоқаев тағы бір халықаралық конференцияға қатысады
![akorda.kz, сурет - Zakon.kz жаңалық 11.10.2021 19:01](https://kaz.zakon.kz/pbi/WEBP/2023-12-20/file-526dcf14-a4c5-4c4d-b840-63d603a127cf/800x452.webp)
Конференция 13 қазанда Нұр-Сұлтан қаласында өтеді.
Мемлекет басшысы Қасым-Жомарт Тоқаев 13 қазанда Нұр-Сұлтан қаласында өтетін "Париж келісімінің мақсаттарына және Қазақстанның көміртегіне бейтараптығына қол жеткізу жолдары" атты халықаралық конференцияға қатысады, деп хабарлайды zakon.kz.
Бұл туралы Президенттің баспасөз хатшысы Берік Уәли жазды.
Іс-шараның мақсаты – Қазақстанның 2060 жылға қарай көміртегі бейтараптығына жету жолдарын, экономикалық және әлеуметтік мүмкіндіктердің басым бағыттарын және көміртегі бейтараптығына көшу үшін қомақты қаражат жұмылдырудың маңыздылығын талқылау.
Конференцияға БҰҰ-ның жоғары лауазымды тұлғалары, халықаралық сарапшылар, бизнес және азаматтық қоғам, қаржы институттары, даму жөніндегі серіктестер мен БАҚ өкілдері қатысады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript