Қазақстанда қандай азық-түлік өнімдері жетіспейді

Pixabay

Коронавирус пандемиясы ішкі нарықты қамтамасыз ету басты міндет екенін көрсетіп берді.

Ауыл шаруашылығы министрлігі 2024 жылға қарай ішкі нарықты ет және сүт өнімдерімен қанықтыруды жоспарлап отыр, деп хабарлайды zakon.kz тілшісі.

Коронавирус пандемиясы ішкі нарықты қамтамасыз ету басты міндет екенін көрсетіп берді. Сондықтан басым экспорттық саясатпен қатар, импортты алмастыру мәселелері де кешенді түрде шешілетін болады.

Министрлік ең көп импортталатын позицияларды айқындады, бұлар – құс еті, шұжық өнімдері, ірімшік пен сүзбе, алма, қант пен балық, - деді - деді ауыл шаруашылығы министрі Ербол Қарашөкеев.

Оның айтуынша, бүгінгі таңда осы бағыттардың әрқайсысы бойынша нақты инвестициялық жобалар айқындалып, іске асырылуда.

- Қойылған мақсатқа қол жеткізу үшін бірқатар мемлекеттік қолдау шаралары, оның ішінде жеңілдікті кредит беру, субсидиялау, жер ресурстарымен, инфрақұрылыммен, ішкі нарықты қорғау шараларымен қамтамасыз ету іске асырылатын болады. Нәтижесінде 2024 жылға қарай қантты қоспағанда, осы өнім түрлері бойынша қамтамасыз етілу 100%-ды, ал қант бойынша 80%-ды құрайды, - деді министр.

Мадина Мамырханова, Нұр-Сұлтан

Оқи отырыңыз