Жаңалықтар тізбегі
0

Павлодар облысында IX-XI ғасырлардың қорғандары табылды

ҚР БҒМ баспасөз қызметі ҚР БҒМ баспасөз қызметі
Қорғандар астанасы Ертіс өңірінде орналасқан көшпелі империя — Қимақ қағанатының өмір сүру кезеңіне жатады.

Павлодар педагогикалық университетінің ғалымдары IX-XI ғасырлардағы құнды қорғандарды тапты, деп хабарлайды zakon.kz ҚР БҒМ баспасөз қызметіне сілтеме жасап.

Олар Павлодар облысы Байдала ауылының маңынан археологиялық жұмыстар барысында табылған.

Археологтардың пікірінше, қорғандар астанасы Ертіс өңірінде орналасқан көшпелі империя — Қимақ қағанатының өмір сүру кезеңіне жатады.

Археологиялық экспедиция жетекшісі, Павлодар университетінің Margulan Centre директоры Тимур Смағұловтың айтуынша, Байдала ауылы маңындағы қимақ қорғандары үлкен ғылыми құндылыққа ие. Топырақтың химиялық құрамына байланысты ағаш бұйымдары, жібектен тігілген киімдер, сондай-ақ былғары мен металдан жасалған түрлі заттар сақталған.

Естеріңізге сала кетейік, бұған дейін қазба жұмыстары барысында Еуразия аумағындағы ортағасырлық көшпелілердің жылжымалы тұрғын үйінің жақсы сақталған жалғыз данасы болып саналатын «Қимақ күймесі» табылған болатын.

Павлодар университетінің ғылыми қызметкерлері скиф-сақ дәуірінің жерлеу орындарын да зерттеп жатыр. Мысалы, қорғандардың бірінен б. з. д. 1 мыңжылдықтың екінші жартысына жататын қыш ыдыстар мен ересек адамның сүйектері табылды.

Ғалымдардан басқа археологиялық жұмыстарға Павлодар педагогикалық университеті мен Торайғыров университетінің студенттері қатысып жатыр.

Ғылыми экспедициялардағы жас қатысушылардың санының жыл сайын артып келе жатқаны да маңызды.

zkadm
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: