Бокстан Әлем біріншілігінде Қазақстан құрамасынан алғашқы спортшы жеңіліс тапты

Біраз уақыт кәсіпқой бокста өнер көрсеткен қазақстандық боксшы бразилиялық Кено Мачадоға төтеп бере алмады.

86 келіге дейінгі салмақта өнер көрсеткен Бек Нұрмағанбетов бокстан әлем чемпионатының бірінші айналымынан ары аса алмады, деп хабарлайды Zakon.kz.

Біраз уақыт кәсіпқой бокста өнер көрсеткен қазақстандық боксшы бразилиялық Кено Мачадоға төтеп бере алмады. Оңтүстік америкалық үш раундта да жақсырақ көрініп, ақырында төреші жекпе-жектің жеңімпазы ретінде шетелдіктің қолын көтерді.

Осылайша, Бек Нұрмағанбетов әлем чемпионатының ортан белінен шығып қалған Қазақстанды танытушы спортшылардың алғашқысы болды.