Қазақстанның төрт жаңа түрмесі қай облыстарда салынады?
Zakon.kz
Қазақстанның Ішкі істер министрі Ерлан Тұрғымбаев жаңа төрт колонияның құрылысы қай облыстарда жоспарланғанын айтты, деп хабарлайды Zakon.kz.
Ол бұл мемлекеттік-жеке меншік әріптестік аясындағы үлкен жоба екенін атап өтті.
Таяудағы үш жылда біз Алматы, Ақтөбе, Маңғыстау және Түркістан облыстарында осындай төрт мекеменің құрылысын салуды жоспарладық. Әрбір колонияда 1,5 мыңға дейін сотталған болады. Бұл колониялардың әрқайсысында арнайы өнеркәсіптік аймақтар қарастырылады, бұл аталған мекемелер аумағының шамамен 50%-ы, - деді Ерлан Тұрғымбаев Мәжілістегі Үкімет сағаты кезінде.
ІІМ басшысы жаңа түрмелердің құрылысы туралы 3 қарашада хабарлады. Бірақ содан кейін ол колониялар үш облыста салынатынын айтты.
Мәжілісте Ішкі істер органдарын реформалау бойынша Үкімет сағаты өтуде. Отырыс бір минут үнсіздіктен басталды.
Бақытжан Отарбаева
