Алматыдағы блок бекеттер әлі алынбады

Сурет: Zakon.kz

Алматыда төтенше жағдай режимі алынып тасталса да, қалаға кіреберісте орнатылған блок бекеттер жұмысын жалғастырып жатыр, деп хабарлайды Zakon.kz

Себебі террористік қауіптің "қызыл" деңгейі әлі де сақталып тұр.

Сурет: Zakon.kz

Алматы қаласының периметрі бойынша ашылған бес стационарлық блок бекет 8 қаңтардан бастап жұмыс істейді. Оларға полиция қызметкерлерімен бірге Қарулы күштердің 170-тен астам әскери қызметшісі кезекшілік етеді, сондай-ақ жауынгерлік техника орнатылды. Олар автомобильдерді іріктеп тексереді.

Сурет: Zakon.kz

Блок бекеттер "Гүлдала" кентінде, Думан шағынауданында, Жандосов және Карьерная көшелерінің қиылысында, Қапшағай трассасында және Райымбек даңғылында "Алтынорда" базары ауданында орнатылған.