Байден ресейлік әуе компаниялары үшін АҚШ әуе кеңістігі жабылатынын мәлімдеді

АҚШ, Ресей, Украина, АҚШ әуе кеңістігі, сурет - Zakon.kz жаңалық 02.03.2022 09:35

Сурет: Twitter/POTUS

АҚШ президенті Джо Байден Украинадағы жағдай туралы пікір білдірді. Ол Ресей президенті Владимир Путиннің қателескенін айтты, деп хабарлайды Zakon.kz.

АҚШ президенті Джо Байден 2 наурыздан бастап АҚШ әуе кеңістігі ресейлік әуе компаниялары үшін жабылатынын мәлімдеді. Бұл туралы Байден Конгресске жыл сайынғы жолдауында айтты.

Сонымен қатар, Ақ үй басшысы Ресей президенті Владимир Путин туралы да пікірін білдіріп өтті.

Алты күн бұрын Владимир Путин әлемді дүр сілкіндірді. Бірақ ол мүлт кетті... Путиннің шабуылы. Ол Батыс елдері жауап қатпайды деп ойлады. Ол Еуропаны бөле аламын деп ойлады, бірақ қателесті... Путин әлемнен бұрын-соңды болмағандай оқшауланды. АҚШ президенті Джо Байден

Джо Байден АҚШ әскерлері Украинадағы ресейлік әскерилермен қақтығысқа қатыспайтынын баса айтты.

АҚШ-тың Ресей Федерациясы үшін әуе кеңістігін жабатыны туралы бұған дейін Wall Street Journal хабарлаған болатын.

Оқи отырыңыз