Оппозиция президент сайлауына өз үміткерін ұсынды

Сурет: zakon.kz

Бұған дейін "Ауыл" партиясы алдағы сайлауға өз кандидатурасын ұсынған болатын. Қазақстан Республикасы президентінің кезектен тыс сайлауы 20 қарашада басталады, деп хабарлайды Zakon.kz.

Астанада ЖСДП партиясының кезектен тыс съезі өтті. Жиында партия мүшелері алдағы сайлауға қатысу үшін Нұрлан Әуесбаевтың кандидатурасын ұсынып, оған қолдап дауыс берді.

Съезд барысында Нұрлан Сатыбалдыұлы Әуесбаевты Жалпыұлттық социал-демократиялық партиясы атынан президенттікке үміткер ретінде ұсыну туралы шешім қабылданды. Партия төрағасы Асхат Рақымжанов

Нұрлан Әуесбаев Қасым-Жомарт Тоқаевқа бәсекелес бола алатынын айтты. Ол қазіргі Президенттің дайындығының мықтылығын, жан-жақтылығын, парасаттылығын баса атап өтті.

Неге Тоқаев саясатын қолдаймыз, өйткені біздің көптеген ұсыныстарымыз оның соңғы реформасында қабылданды, біз оны қолдадық, бірақ оны соңына дейін жеткізу керек. Мысалы, қаңтар оқиғалары. Бұл - толығымен шешілмеген мәселе. Әділ тергеу жүргізілмеді және нақты тұжырымдар жасалмады. Осы оқиғаға қатысы бар адамдар жазаланып, жазықсыз адамдар босатылуы керек, сонда біздің елде мұндай оқиғалар енді болмайды. Нұрлан Әуесбаев

Нұрлан Әуесбаев сайлауда жеңіске жетсе, мемлекетті одан әрі нығайта түсу үшін қолдан келгеннің бәрін жасайтынын айтты.

Бірақ маған қазір биліктің істеп жатқаны ұнамайды. Біріншіден, басқару жүйесін өзгерту қажет. Біздің қоғам сыбайлас жемқорлыққа толы. Сыбайлас жемқорлықпен аяусыз күресу керек. Нұрлан Әуесбаев

Нұрлан Әуесбаев аталған партияның елордадағы филиалының төрағасы болып табылады.

Ол 1957 жылы 17 мамырда Оңтүстік Қазақстан облысында дүниеге келген. Екі жоғары білімі бар - экономикалық және заңгерлік.

Оқи отырыңыз