Жаңалықтар тізбегі
0

Қарақат Әбден: Бұл – менің жеке шешімім

ОСК Сурет: Zakon.kz
8 қазанда ҚР президенттігіне үміткер Қарақат Әбден Орталық сайлау комиссиясына құжаттарын әкеліп тапсырды. Сондай-ақ ол журналистер қойған сұрақтарға да жауап берді, деп хабарлайды Zakon.kz.
Әйел адам екені көрініп тұр, құжаттардың барлығын рет-ретімен, ұқыптап салыпты, - деді ҚР ОСК аппаратының жетекшісі Әлия Галимова.

Қарақат Әбден ыңғайлы болу үшін барлық құжаттарының нотариальды куәландырған көшірмесін жасатқанын айтты.

БАҚ өкілдерінің бірі одан: "Президент сайлауына қатысу туралы шешімді қалай қабылдадыңыз, Ақордадан хабарласып: "Бізге әйел заты керек болып жатыр" деген сипатта ұсыныс болған жоқ па" деген томпақ сұрақ қойды.

Бұл – менің жеке қабылдаған шешімім. Ешкімнің тапсырмасы немесе кеңесі емес, деп ол жауапты қысқа қайырды.

Сондай-ақ осы сәтті пайдаланып, Қарақат Әбден өз кандидатурасын ұсынған "Кәсіби әлеуметтік жұмыскерлер Ұлттық альянсы" республикалық қоғамдық бірлестігіне алғыс айтты.

Мен ол адамдардың үмітін ақтауға барымды саламын, - деді ол.

Айта кетсек, Әбден Қарақат Жақсылыққызы - төрт баланың анасы, белгілі қоғам қайраткері, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшесі, Астана қаласы әкімінің әлеуметтік мәселелер жөніндегі штаттан тыс кеңесшісі, елорданың қоғамдық кеңесінің мүшесі. Ақмола облысында 1974 жылы дүниеге келген.

Мемлекеттік лауазымды қызметтерде істеген, тәжірибесі бар, атап айтқанда, Салық комитетінің орталық аппаратында, ҚР Президенті жанындағы Мемлекеттік басқару академиясында 10 жылдан астам еңбек еткен. Астана қаласының VI шақырылымдағы мәслихат депутаты болған.

Бөбектер үйі мен балалар үйінің Қамқоршылық кеңесінің мүшесі, балалар үйінің 15 тәрбиеленушісінің менторы, тәлімгері.

Айта кетсек, бүгін ОСК Тоқаевтың президенттікке кандидатурасын талаптарға сай деп шешті. Сондай-ақ Мейрам Қажыкен президенттікке кандидат болуға сай деп танылды.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: