Песков Путин мен Ердоған Астанада кездесуі мүмкін екенін айтты

Қазақстан, Ресей, Түркия, Азиядағы өзара іс-қимыл және сенім шаралары жөніндегі кеңес, сурет - Zakon.kz жаңалық 10.10.2022 16:58

Сурет: kremlin.ru

Ресей президенті Владимир Путин мен Түркия президенті Тайып Ердоған Астанада Ресей Федерациясы мен Батыс елдері арасында келіссөздер жүргізу мәселесін талқылауы мүмкін. Бұл туралы Ресей президентінің баспасөз хатшысы Дмитрий Песков мәлімдеді, деп хабарлайды Zakon.kz.

Ердоғанмен Астанада Ресей мен АҚШ, Франция, Германия және Ұлыбритания арасындағы келіссөздер жүргізу мүмкіндігі туралы мәселе талқылануы мүмкін. Дмитрий Песков

Түркия Ресей мен Батыс арасындағы келіссөздерді ұйымдастыруға ниетті екенін білдерген еді.

Қазақстанның Сыртқы істер министрлігі Владимир Путиннің Астанадағы саммиттерге қатысатынын мәлімдеді. Ресей Президенті Азиядағы өзара іс-қимыл және сенім шаралары жөніндегі кеңеске, Тәуелсіз Мемлекеттер Достастығы саммитіне және "Орталық Азия – Ресей" саммитіне қатысады.

12-13 қазанда Астанада Азиядағы өзара іс-қимыл және сенім шаралары кеңесінің (АӨСШК) VI саммиті өтеді.

14 қазанда ТМД мемлекет басшылары кеңесінің отырысы өтеді, онда мемлекет басшылары Достастық кеңістігіндегі интеграцияның барлық салаларын қамтитын мәселелерді талқылайды. Дәл осы күні "Орталық Азия – Ресей" саммиті өтеді.

Оқи отырыңыз