РФ президенті Тоқаевты Қазақстандағы президенттік сайлаудағы жеңісімен құттықтады
Сурет: akorda.kz
Владимир Путин Қасым-Жомарт Тоқаевты Қазақстандағы президенттік сайлаудағы жеңісімен құттықтады, деп хабарлайды Zakon.kz.
Қазақстан Республикасының Президенті лауазымына қайта сайлануына байланысты Қасым-Жомарт Тоқаевтың атына Ресей Федерациясының Президенті Владимир Путиннің құттықтау жеделхаты келіп түсті.
Сіз отандастырыңыздың зор сеніміне ие болдыңыз. Бұл сенім мандаты мемлекетті дамытуға бағытталған Сіздің бастамаларыңызды жүзеге асыруға жаңа мүмкіндіктер береді. Елдеріміз арасындағы дәстүрлі достыққа, тату көршілік қарым-қатынасқа және өзара құрметке негізделген стратегиялық серіктестік пен одақтастық табысты дамып келеді. Ынтымақтастығымызды одан әрі бірге ілгерілете береміз,– деп жазылған жеделхатта.
Бұған дейін Қасым-Жомарт Тоқаевты Тәжікстан, Өзбекстан және Қырғызстан президенттері сайлаудағы жеңісімен құттықтады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
