Елімізде кәсіпкер әйелдердің саны артты
![Іскер әйелдердің саны артты, сурет - Zakon.kz жаңалық 23.02.2023 14:46](https://kaz.zakon.kz/pbi/WEBP/2023-12-20/file-71b28c30-66f7-4323-b694-dd873d892be7/800x450.webp)
Елімізде қыз-келіншектер басқаратын шағын және орта бизнес субъектілерінің саны 43%-ға жетті. Сондай-ақ кәсіпорындар мен түрлі мекемелердегі әйелдерге бөлінетін жұмыс орындарының саны да артқан, деп хабарлайды Zakon.kz.
Бұл туралы Алматыда өткен «Women in Business» форумында айтылды.
100-ден астам кәсіпкер қатысқан шарада бизнес бастаудағы қолдаулар мен кедергілер талқыланды, деп жазады qazaqstan.tv.
Бүгінгі таңда «Almaty business club» оқыту платформасы жұмыс істеп тұр. Оның аясында 100 мың қыз-келіншек кәсіп ашудың қыр-сырын үйреніп жатыр.
Тиісінше былтыр Алматыда 7 мыңға жуық әйел өз ісін бастаған. Олардың арасында әлеуметтік сала бойынша жалғыз басты, көпбалалы аналарға көмектесіп, бағыт-бағдар беретін шағын компания ашқандар бар.
"Біздің орталықта 12 мың әйел тіркелген. Оның ішінде 1000-нан астам әйел «Еңбек» бағдарламасы бойынша гранттар алды. Енді өздерінің кәсіптерін ашып отыр. Тағы бағдарлама аясында 51 ана 2 млн теңгеден 15 млн теңгеге дейін гранттарын алып, кәсіптерін ашып отыр." Ақмарал Байсерова, кәсіпкер
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript