"Мемлекеттік хатшы ретінде Қазақстанға алғашқы сапарым": Блинкен әуежайда түскен суретін жариялады

Ақпанның 27-сі күні АҚШ-тың мемлекеттік хатшысы Энтони Джон Блинкен Қазақстанға сапары алдында әуежайда түскен суретін жариялады. Ол сапары туралы Twitter желісінде жазды, деп хабарлайды Zakon.kz.

Фотоның астына ол бүгін (27 ақпан) Қазақстан, Өзбекстан және Үндістанға сапарға аттанатынын атап өтті.

"Бұл менің мемлекеттік хатшы ретінде Қазақстан мен Өзбекстанға жасағалы отырған алғашқы сапарым және мен Орталық Азиядағы әріптестігімізді одан әрі дамытуға асықпын. Сол жерден мен Үндістанға G20 отырысына аттанамын", – деп жазды ол.

Today I’m embarking on a trip to Kazakhstan, Uzbekistan, and India. It will be my first time as Secretary visiting Kazakhstan and Uzbekistan — and I look forward to advancing our Central Asian partnerships. From there, I’ll head to India for the #G20 Ministerial. pic.twitter.com/ut18nMTy9j

— Secretary Antony Blinken (@SecBlinken) February 27, 2023

Блинкен Астанада президент Қасым-Жомарт Тоқаевпен кездесетіні хабарланған еді. Сондай-ақ премьер-министрдің орынбасары, Сыртқы істер министрі Мұхтар Тілеубердімен кездесу жоспарланған.