ЖСДП Мәжіліске өткен депутаттардың есімдерін атады

27 наурызда Астанада Жалпыұлттық социал-демократиялық партиясы (ЖСДП) Саяси кеңесінің отырысы өтіп, онда Мәжіліске 4 депутаттық мандат үлестірілді, деп хабарлайды Zakon.kz.

Олар:

• Нұрлан Әуесбаев
• Асхат Рахымжанов
• Ажар Сағындықова
• Наурыз Сайлаубай

"ЖСДП партиялық тізіміне 19 кандидат енгізілді. Олардың барлығы Қазақстан Республикасының заңнамасы бойынша кандидаттар үшін белгіленген талаптарға сай. Әйелдерге, жастарға және мүмкіндігі шектеулі жандарға арналған квота орындалды", - деп хабарлады ЖСДП өкілдері.

20 наурызда оппозициялық партия – ЖСДП парламентке алғаш рет келгені белгілі болды. Ол сайлауда 5,31% жинады.