ҚР Президенті Әкімшілігі Әлеуметтік-экономикалық мониторинг бөлімінің басшысы қызметінен босатылды

Мәди Такиев 1978 жылы 1 сәуірде Алматы облысында дүниеге келген. Қазақ мемлекеттік басқару академиясын "бухгалтерлік есеп және аудит" мамандығы бойынша, Д.Қонаев атындағы гуманитарлық университетін "құқықтану" мамандығы бойынша, сондай-ақ Халықаралық бизнес университетін "іскерлік әкімшілдендіру магистрі" мамандығы бойынша тәмамдаған.

Ол біршама жыл Алматы қаласы бойынша салық департаментінде жұмыс істеген. Одан бөлек ҚР Қаржы министрлігінің салық комитеті басқармасының бастығы, Ұлттық экономика министрлігінің Салық және кеден саясаты департаментінің директоры, ҚР Премьер-министрі кеңсесінің әлеуметтік-экономикалық бөлімінің бас кеңесшісі, Атырау облысы бойынша мемлекеттік кірістер департаментінің басшысы, ҚР Қаржы министрлігі мемлекеттік кірістер комитетінің салықтық бақылау департаментінің директоры, ҚР Ұлттық экономика вице-министрі сынды лауазымды қызметтерде болған.

Ол 2020 жылы қыркүйектен бастап .ҚР Президенті Әкімшілігінің Әлеуметтік-экономикалық мониторинг бөлімінің меңгерушісі болып келді.

Оқи отырыңыз

Халықаралық ұйымдар: Қазақстанның мемлекеттік қарыз деңгейі "төмен" болып қала береді

12:59, 22 қараша 2024

Қазақстанда бірыңғай әлеуметтік қор құрыла ма - Еңбек министрі жауап берді

15:45, 21 қараша 2024

Бір парақтағы кесте: Әшімбаев мемлекеттік қорлар туралы есепті сынға алды

14:18, 21 қараша 2024