Қанат Сухамбеков Алматы қаласы қаржы басқармасының басшысы болып тағайындалды

Алматы қаласы әкімінің өкімімен Алматы қаласы қаржы басқармасының басшысы болып Қанат Сухамбеков тағайындалды.

Қанат Сәдуақасұлы Сухамбеков 1992 жылы 17 тамызда Астанада туған. Қазақ гуманитарлық-заң университетін «Халықаралық құқық» мамандығы бойынша бітірген.

Қ.Сухамбековтың Қазақстан Республикасы Президенті Іс Басқармасының ресми іс-шаралар және сыртқы байланыстар бөлімінде және Ақмола облысы әкімі аппаратының ұйымдастыру-инспекторлық жұмыс бөлімінде жинақтаған тәжірибесі бар.

Қазақстан Республикасы Президенті Әкімшілігінің мемлекеттік бақылау және ұйымдастыру-аумақтық жұмыс бөлімінің инспекторы қызметін атқарды.

Тағайындалғанға дейін Алматы қаласы әкімі аппараты басшысының орынбасары болып жұмыс істеді. Бұл позицияда инспекторлық жұмыс бөлімінің, ұйымдастыру және бақылау жұмысы бөлімінің, заң бөлімінің, қаржы-шаруашылық бөлімінің, ішкі аудиттің қызметін үйлестірді.