Биыл елімізде 10 энергоблок, 49 қазандық және 54 турбинаны жөндеу жоспарланған

Сурет: Zakon.kz/Павел Михеев

11 сәуірдегі үкімет отырысында Энергетика министрі Алмасадам Сәтқалиев жүйелік оператор бекіткен кестеге сай биыл қай электр станцияларында жөндеу жоспарланғанын айтты, деп хабарлайды Zakon.kz.

Министрдің сөзінше, электр станцияларында биыл 10 энергоблокты, 49 қазандықты және 54 турбинаны жөндеу жоспарланған.

"Қазір жөндеу 1 энергоблокта, 2 қазандықта және 3 турбинада жүргізіліп жатыр. Қарағанды, Маңғыстау облыстарында электр станцияларының негізгі жабдықтарын жөндеуді бастау мерзімдерінің сақталмаған". Алмасадам Сәтқалиев

Сонымен қатар ол электр желілері бойынша жалпы ұзындығы 25 мың км электр беру желілерін, 564 жоғары вольтты қосалқы станцияларды жөндеу жоспарланғанын атап өтті. Электр желілерін жөндеу мамыр айында бекітілген кестеге сай басталады.

Алдағы 2023-2024 күзгі-қысқы кезеңге сәтті дайындық үшін мыналар жоспарланған:

жөндеуді қажет көлемде қаржыландыруды қамтамасыз ету;
жоспарланған жөндеудің көлемін, оның ішінде ғимараттар мен құрылыстар бойынша қысқартуға жол бермеу;
энергия көздерінде отынның және қосалқы бөлшектердің нормативтік қорын жасау;
қызметкерлермен апатқа қарсы жаттығулар өткізу қажет.

"Энергетика министрлігі орталық және жергілікті атқарушы органдармен бірлесіп, өңірлердегі жылу маусымына дайындық барысын бақылау жөніндегі жұмысты жалғастырады", - деді министр.

Оқи отырыңыз