Қазақстанда балаларға арналған SIM карта енгізу ұсынылып отыр

Сурет: unsplash

21 сәуірде Оқу-ағарту вице-министрі Еділ Оспан ата-аналардың бақылауында болатын балалардың SIM картасын енгізу идеясы туралы айтты, деп хабарлайды Zakon.kz.

Мәжіліс алаңында Еділ Оспан мұндай SIM картаны ата-ананың телефонына қосу керек екенін бөлісті. Бала интернетке қосылған жағдайда ата-анасынан рұқсат сұралады.

"Біз бұл жүйені енгізуді ұсынып отырмыз. Осылай баланың қандай сайттарға кіретінін, қандай әлеуметтік желілерді пайдаланатынын бақылауға болады. Тағы бір мәселе - уақытты шектей аламыз. Бала түнде интернетте отырады. Ал экран уақытын біз шектей аламыз. Бұл мәселенің техникалық бөлігі ғана. Біз балалардың қауіпсіздігін ойлайтын министрлік ретінде осыны ұсынамыз".Еділ Оспан

Бірақ әзірше бұл идея Оқу-ағарту министрлігі өзекті деп санайтын ұсыныстар деңгейінде.

"Мектеп жасындағы баласы барлар мұны қолдайды деп ойлаймын. Балаларымыз денсаулығына, жалпы тәрбиесіне қауіпсіз, айталық, таза, түзу сайттарды пайдалануын қамтамасыз етуіміз керек. Мұны тиісті мемлекеттік органдармен талқылап барып, ұсынамыз. Менің ойымша, бұл заңдағы норма болуы керек".Еділ Оспан

Бұған дейін TikTok балалар мен жасөспірімдер үшін сервисті пайдалану уақытын шектеу туралы шешім қабылдағаны белгілі болды. Алдағы апталарда 18 жасқа толмаған пайдаланушының экраны күніне 60 минуттан соң шектеледі.

Оқи отырыңыз