Сауда министрі: Қазақстанның импортқа жасырын тәуелділігі бар

Сурет: primeminister.kz

Сауда және интеграция министрі Серік Жұманғарин 2 мамырда өткен үкімет отырысында Қазақстанда азық-түлік тауарлары импортына әлі де жасырын тәуелділік бар екенін атап өтті, деп хабарлайды Zakon.kz.

Ол үкіметте Ұлттық экономика министрлігі мен Денсаулық сақтау министрлігінің 2016 жылғы бірлескен бұйрығында көрсетілген ғылыми негізделген тұтыну нормалары бар екенін атап өтті.

"Олар адамның қанша тұтынатынын есептеп шығарады. Елімізде бұл азық-түлік өнімдерінің өндірісі тұтыну стандарттарын қанағаттандыруға жетпейді. Біз тауарлардың бір бөлігін импорттаймыз. Өндіріс плюс импорт пен минус экспорт – баланста не қалады, соған сәйкес тұтыну нормасын ескеріп, аламыз. Тұтыну нормаларының өзіне қатысты сұрақтар туындайды. Кей өнімдерді адамдар бұл нормадан артық тұтынады, кейбірі керісінше азырақ пайдаланады. Жалпы әлі де жасырын тәуелділік бар".Серік Жұманғарин

Ол Қазақстан өзін қантпен 50% қамтамасыз ететінін, бірақ қант қызылшасы бойынша 90% сыртқы нарыққа тәуелді екенімізді ескеретінін айтты.

5 сәуірде Сауда және интеграция министрлігі ұлттық қауіпсіздік мүдделеріне негізделген шараларды енгізу кезінде Қазақстан Республикасы мемлекеттік органдарының өзара іс-қимылының жаңа қағидасын дайындады. Осылайша, уәкілетті орган өтініш берушінің өтініші негізінде 270 күнтізбелік күнде тауар импортының ұлттық қауіпсіздікке әсерін анықтау мақсатында талдау жүргізетіні айтылады.

Оқи отырыңыз