Түрікменстан президенті Тоқаевты мерейтойымен құттықтады

Түрікменстан президенті, Қазақстан президенті, құттықтау, сурет - Zakon.kz жаңалық 17.05.2023 10:22

Сурет: turkmenistan.gov.tm

Түрікменстан президенті Сердар Бердімұхамедов Қазақстан президенті Қасым-Жомарт Тоқаевты 70 жасқа толуымен құттықтап, ізгі тілегін жолдады, деп хабарлайды Zakon.kz.

Ол Қасым-Жомарт Тоқаевтың басшылығымен Қазақстан мемлекеттіліктің нығаюы мен қарқынды әлеуметтік-экономикалық даму жолымен дәйекті түрде жүріп жатқанын атап өтті.

"Соңғы жылдары елдің халықаралық аренадағы беделі айтарлықтай артты. Біз Сіздің Түркіменстан мен Қазақстан арасындағы дәстүрлі достық, стратегиялық қарым-қатынастарды дамытуға қосқан жеке үлесіңізді жоғары бағалаймыз және екіжақты ынтымақтастықтың одан әрі кеңейе түсуіне үміт артамыз", – деді Түрікменстан басшысы.

Сердар Бердімұхамедов Қасым-Жомарт Тоқаевқа зор денсаулық, амандық және бауырлас Қазақстан Республикасының бақытты өмірі мен гүлденуі жолындағы жауапты мемлекеттік қызметінде жаңа табыстар тіледі.

Сердар Бердімұхамедовтің құттықтауы "Нейтральный Туркменистан" газетінде жарияланды.

Оқи отырыңыз