Қасым-Жомарт Тоқаев: Трансшекаралық су ресурстарын тиімді пайдаланған жөн

Мемлекет басшысы Қасым-Жомарт Тоқаев бірінші "Орталық Азия – Қытай" саммитінде сөйлеген сөзінде тұщы су тапшылығына ұшырау қаупі жоғары екенін айтты, деп хабарлайды Zakon.kz.

"Орталық Азия елдерінің тұщы су тапшылығына ұшырау қаупі жоғары екені белгілі. 2050 жылға қарай 5 миллиардтан астам адам ауыз суға мұқтаж болуы мүмкін. Бұл – Біріккен Ұлттар Ұйымының дерегі. Сарапшылар біздің аймағымыздың тез жылынып бара жатқанын айтып отыр." Қасым-Жомарт Тоқаев

Климаттың өзгеруіне байланысты біздің аймақтың басты су көзі саналатын мұздықтар да күрт азайып барады. Осы жағдай Орталық Азияның азық-түлік, энергетика және экология қауіпсіздігіне едәуір қатер төндіреді.

Сондықтан бірлесіп шұғыл шаралар қабылдауымыз қажет, -деп ойын жеткізді Қазақстан президенті.