СІМ Лукашенконың Назарбаевқа хабарласқанына қатысты пікір білдірді

Бұл ақпаратпен Сыртқы істер министрлігі де танысып үлгерген.

"Әрине, Беларусь Президенті – біздің бұрынғы президентіміздің байырғы одақтасы, олардың әрқашан айтатын нәрсесі бар. Сонымен бірге өздеріңізге белгілі, еліміздің сыртқы саясатын, оның ішінде шет мемлекеттермен қарым-қатынасын айқындау ҚР президентінің құзіретінде. Сондықтан Қазақстан-Беларусь қатынастары қазіргі мемлекет басшыларының арасында ғана талқыланатынына сүйенеміз".Айбек Смадияров

ҚР Сыртқы істер министрлігінің ресми өкілі "Қазақстан мен Беларусь арасындағы қарым-қатынастар стратегиялық сипатқа ие, күн тәртібінде проблемалық мәселелер жоқ, барлық деңгейде тұрақты және жан-жақты байланыстар сақталып отырғанын" қоса кетті.

25 маусым күні Беларусь президентінің баспасөз қызметі Александр Лукашенко мен Нұрсұлтан Назарбаев телефон арқылы халықаралық жағдайды, аймақтағы жағдайды және Беларусь-Қазақстан қарым-қатынастарын талқылағаны туралы ақпарат таратқан.

Оқи отырыңыз

Халықаралық ұйымдар: Қазақстанның мемлекеттік қарыз деңгейі "төмен" болып қала береді

12:59, 22 қараша 2024

Қазақстанда бірыңғай әлеуметтік қор құрыла ма - Еңбек министрі жауап берді

15:45, 21 қараша 2024

Бір парақтағы кесте: Әшімбаев мемлекеттік қорлар туралы есепті сынға алды

14:18, 21 қараша 2024