Тоқаев мемлекет ішкі істер органдарының жұмысын әрдайым жоғары бағалайтынын еске салды

Сурет: Zakon.kz

Қасым-Жомарт Тоқаев әлеуметтік желіде полицияға қатысты түрлі бейнежазба жариялап, адамдар қасақана арандатушылық жасайтынын мысалға келтірді. Бірақ бұл дөрекі әрекеттерге жол беруге себеп болмауы қажет.

"Сондай кезде ұстамдылық танытып, дөрекі әрекеттерге жол бермеу өте маңызды. Тәртіп сақшысы сауатты сөйлеп, өзін лайық ұстауы қажет. Полиция қызметкері заңдарды анық білуге тиіс, яғни еліміздің заңдарын жұртқа қарапайым тілмен түсіндіруге дайын болуы қажет. Сонда ғана полиция мен халық арасында мызғымас келісім болады. Әрине, офицерлердің арасында кәсіби білікті, антына адал азаматтар көп. Сондай қызметкерлер өзгелерге, әсіресе, жастарға үлгі-өнеге көрсетіп отыр. Осындай үздік қызметкерлерді қолдау қажет", - деді мемлекет басшысы.

Мемлекет басшысының сөзінше, ерлік көрсеткен офицер, сержанттар туралы жұрт білуге тиіс.

"Бұл – біздің тиісті министрліктің және жалпы бұқаралық ақпарат құралдарының міндеті. Өздеріңізге мәлім, мемлекет ішкі істер органдарының жұмысын әрдайым жоғары бағалайды".Қасым-Жомарт Тоқаев

Оқи отырыңыз