Әміржан Нәбиев Риддер ЖЭО-ның барлық қарызын өз есебінен жабуға уәде берді
Сурет: Instagram/danial.akhmetov.official
"Риддер ЖЭО-ның жаңа иесі Әміржан Нәбиев барлық қарызды өз қаражаты есебінен жабуға уәде берді", - деп хабарлады ҚР Энергетика министрлігінің баспасөз қызметі.
Ведомствоның мәліметінше, бүгінде Риддер ЖЭО-ның жалпы қарызы - 5,5 млрд теңге.
"Министрлік тарапынан біз қарыз мәселесін де бақылауға аламыз". Алмасадам Сәтқалиев
Энергетика министрі Риддер ЖЭО-дағы жөндеу науқанының барысына жеке-жеке тоқталды.
Қаржы министрлігімен және облыс әкімдігімен бірлесіп, үкімет резервінен қаражат бөлу тетігі әзірленді. Жөндеуге жобалық-сметалық құжаттамаға мемлекеттік сараптама алынды. Жөндеудің жалпы сомасы 8,3 млрд теңге болды. Риддер ЖЭО-дағы жөндеуге сегіз мердігер ұйым жұмылдырылды.
ҚР Энергетика министрлігінің мәліметінше, Риддер ЖЭО-дағы жұмысты жылу беру маусымы басталғанға дейін кесте бойынша аяқтау жоспарланып отыр.
18 маусымда Шығыс Қазақстан облысының әкімі Ермек Көшербаев облыс бойынша алғашқы сапарын өңірдегі маңызды нысандардың бірі – "Риддер ЖЭО" АҚ-да бастап, жылу басқармасымен кеңес өткізді. Одан кейін ЖЭО-ның жаңадан тағайындалған бас директоры Игорь Михайленко бұрынғы қожайындар нысанды тиісті жөндеу жасамай пайдаланғанын, "Риддер ЖЭО" АҚ қарызы 3,3 млрд теңге болғанын айтқан.
