Сирек кездесетін аурулары бар 500-ден астам адам дәрімен қамтамасыз етіледі
Сурет: Алматы әкімдігі
Бұл туралы мәслихаттың VII сессиясында Алматы қаласы қаржы басқармасының басшысы Қанат Сухамбеков мәлімдеді.
Оның айтуынша, денсаулық сақтау саласына қосымша 3,8 млрд теңге бөлу ұсынылады. Бұл қаражаттың бір бөлігі орфандық аурулары бар адамдардың қажетіне бағытталмақ.
"Сирек кездесетін (орфандық) аурулардың 8 түрі бойынша 553 пациентті тегін дәрілік заттармен қамтамасыз ету үшін 495,3 млн теңге қарастырылған", - деп нақтылады Қанат Сухамбеков.
2017 жылдан бастап жергілікті бюджет есебінен дәрі-дәрмекпен қамтамасыз етуді қажет ететін орфандық аурулары бар науқастардың саны 40 еседен астам өсті. 2017-2022 жылдарда қаржыландыру сомасы 8 есеге артты және әлі де өсіп жатыр.
Алматыда 5 денсаулық сақтау нысанының құрылысын бастау жоспарланып отыр. Жобалық-сметалық құжаттаманы әзірлеуге 158,3 млн теңге қарастырылған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
