Төтенше жағдайлар министрі президентке селдің алдын алу жұмысы туралы айтты

Сурет: akorda.kz

Президент Қасым-Жомарт Тоқаевтың Алматы қаласына жұмыс сапары биыл 1 маусымда пайдалануға берілген сел тасқынынан қорғайтын бөгетпен танысудан басталды.

Қасым-Жомарт Тоқаев сел тасқынынан қорғайтын жаңа "Аюсай" бөгетін аралап көрді

Мұндай нысан соңғы 30 жылда алғаш рет салынды.

Аюсай бөгеті туралы:

Бөгеттің биіктігі: 41,1 м;
Бөгет қырқасының ұзындығы: 330,2 м;
2,3 млн.м3 сел көшкінін ұстап қала алады;
Бөгеттің ауданы: 6,9 га;
Жоба құны: 10,5 млрд. теңге.

Төтенше жағдайлар министрі Сырым Шәріпханов президентке селдің алдын алу жұмыстары туралы баяндады. Cонымен қатар "Қазселденқорғау" мекемесінің басшысы Қайрат Бекенов мемлекет басшысына табиғат апаттарының алдын алу жұмыстары жөнінде мәлімет берді.

Еліміздің биік таулы аймақтарында 970 мореналық көл бар. Оның ішінде 156 көлде сел жүру қаупі жоғары.

Оқи отырыңыз