Былтыр Алматы мемлекеттік бюджетке 4 триллион теңгеден астам қаржы әкелген
Сурет: akorda.kz
Президент Алматы қаласын дамыту мәселелері жөнінде кеңес өткізді. Кеңес барысында Алматы экономикасын әртараптандыру мәселелері талқыланды.
Қасым-Жомарт Тоқаев Алматыдағы шағын және орта кәсіпкерліктің даму әлеуетіне оң баға берді.
Келтірілген мәліметтерге сай 2022 жылдың өзінде Алматы мемлекеттік бюджетке төрт триллион теңгеден астам қаржы құйды. Қаладағы салық түсімдерінің басым бөлігі шағын және орта бизнестің төлемдеріне тиесілі.
Президент мегаполистегі бизнес-ахуалды жақсарту үшін жүйелі шаралар қабылдау жөнінде міндет жүктеді. Қасым-Жомарт Тоқаевтың пікірінше, жеке капиталды тарту, кәсіпкерлікті дамыту бағдарламасын күшейту, жаңа көлік-логистикалық орталықтарына қолдау көрсетудің тың шараларын қарастыру, креативті индустрия, туризм салаларын дамыту Алматы экономикасына тың серпін беруге тиіс.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
