Президент ұстаздар мен оқушыларды Білім күнімен құттықтады

Сурет: akorda.kz

Қасым-Жомарт Тоқаев Instagram-дағы парақшасында ұстаздар мен оқушыларды Білім күнімен құттықтады, деп хабарлайды Zakon.kz Ақордаға сілтеме жасап.

Президент өз құттықтауында өскелең ұрпақ еліміздің ертеңі екеніне тоқталып, мемлекет жас өрендердің сапалы білім, тағылымды тәрбие алуы үшін барлық жағдайды жасайтынын айтты.

Мемлекет басшысы "Мектептің жаны – мұғалім" деп, Ахмет Байтұрсынұлының сөзінкелтірді.

"Ұстаздың бала тәрбиесіндегі орны ерекше. Әр оқушының тұлға болып қалыптасуында мұғалімдер маңызды рөл атқарады. Сондықтан біз педагогтерді әрдайым қолдаймыз. Қазақстанның болашағы – білімді ұрпақтың қолында! Олардың оқуда озат болып, қоғамның барлық саласында биік белестерді бағындыруына тілектеспін! Жастарымыз келешекте Отанымызға адал қызмет етіп, оның дамуына үлес қосатынына кәміл сенемін! Білім күні құтты болсын!", – деп жазды Қасым-Жомарт Тоқаев

Оқи отырыңыз