Қанат Бозымбаев президенттің кеңесшісі болды

Қанат Бозымбаев Қазақстан Республикасы президентінің кеңесшісі атанды, деп хабарлайды Zakon.kz.

"Мемлекет басшысының өкімімен Қанат Алдабергенұлы Бозымбаев Қазақстан Республикасы Президентінің кеңесшісі лауазымына тағайындалды", – делінген Ақорданың баспасөз қызметі таратқан хабарламада.

Қанат Бозымбаев 1969 жылы 8 қаңтарда Алматыда дүниеге келген. 1993 жылы Қазақ мемлекеттік басқару академиясын (экономист) бітірген.

1994-1997 жылдары Алматы қаласы әкімінің көмекшісі болды.

2001-2007 жылдары – "KEGOC" ашық акционерлік қоғамының президенті.

2009-2013 жылдары – Жамбыл облысының әкімі.

2013-2016 жылдары – Павлодар облысының әкімі.

Ол 2016-2019 жылдар аралығында Энергетика министрлігін де басқарды.

2019-2021 жылдары Қазақстан президентінің көмекшісі болды.

2021-2022 жылдары – Алматы облысының әкімі.