Нұржан Нұржігітов Су ресурстары және ирригация министрі болды

Президенттің жарлығымен Нұржан Нұржігітов Су ресурстары және ирригация министрі болып тағайындалды.

"Мемлекет басшысының Жарлығымен Нұржан Молдиярұлы Нұржігітов Қазақстан Республикасының Су ресурстары және ирригация министрі болып тағайындалды, ол бұрынғы атқарған лауазымынан босатылды", - делінген Ақорда хабарламасында.

1 қыркүйек күні Қасым-Жомарт Тоқаев кезекті жолдауын жариялады. Кейіннен Қазақстанда Су ресурстары және ирригация министрлігі құрылғаны хабарланды.