Жаңалықтар тізбегі
0

Путин мен Ким Чен Ын Владивостокта келіссөздер өткізеді

Путин мен Ким Чен Ын Владивостокта келіссөздер өткізеді Сурет: pixabay
Ресей президенті Владимир Путин мен КХДР Мемлекеттік кеңесінің төрағасы Ким Чен Ын Владивостокта келіссөздер өткізбек. Онда Ресейге Солтүстік Корея қару-жарақтарын жеткізу мәселесі талқыланады. Бұл туралы батыс басылымдары жазып жатыр, деп хабарлайды Zakon.kz.

The Guardian басылымының АҚШ шенеуніктері арасындағы дереккөзге сілтеме жасап хабарлауынша, Ким Чен Ын қыркүйекте Владимир Путинмен кездесіп, онымен Ресей-Украина қарулы қақтығыстарында Кремльді қолдау үшін қару-жарақ жеткізу мәселесін талқылауды жоспарлап отыр. Кездесу 10-13 қыркүйек аралығында Шығыс экономикалық форумы өтетін Владивосток қаласында өтуі мүмкін.

"Пхеньяннан сирек шығатын Ким Чен Ын бронды пойызбен Ресейдің Тынық мұхиты жағалауына барады деп болжанып отыр. Әскери барлаудың бұл ақпаратын бұдан бұрын The New York Times басылымы келтірген", - деп жазды The Guardian.

Батыс ақпарат көздері Путин мен Ким Чен Ын жаһандық оқшаулану жағдайында өзара ынтымақтастықты нығайтуға ниетті деп болжайды. Ресей Федерациясына снарядтар мен танкке қарсы зымырандар қажет, оларды Солтүстік Корея бере алады. Ал КХДР оның орнына Ресейден ядролық суасты қайықтарын және әсіресе спутниктерді жасау технологиясын ала алады. Мамыр және тамыз айларында Солтүстік Корея билігі екі рет өздерінің барлау аппараттарын орбитаға шығаруға әрекеттенді, бірақ екеуінде де сәтсіздікке ұшырады. Сонымен қатар КХДР Ресейден азық-түлік көмегін жеткізуге мүдделі.

КХДР мен Ресей Федерациясы ынтымақтастығын тереңдетуді жоспарлап отыр деген болжамға жақында Ресей қорғаныс министрі Сергей Шойгудың Солтүстік Кореяға ресми сапары себеп болды. Халықаралық қауымдастық бұл жаңалықты айыптаумен қабылдады.

"АҚШ, Ұлыбритания, Оңтүстік Корея және Жапония Солтүстік Корея мен Ресейдің кез келген қару алмасуы БҰҰ Қауіпсіздік Кеңесінің қарарларын бұзады деп мәлімдеген", - деп жазды The Guardian.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: