Бауыржан Сыздықов ҚР төтенше жағдайлар вице-министрі болды

"ҚР үкіметінің қаулысымен Бауыржан Мәдиұлы Сыздықов ҚР төтенше жағдайлар вице-министрі болып тағайындалады", - делінген үкімет хабарламасында.

Бауыржан Мәдіұлы Сыздықов 1973 жылғы 14 маусымда Шымкент облысы Бөген ауданы Задарья ауылында дүниеге келген. 2000 жылы Қазақ Мемлекеттік медициналық университетін бітірген, гигиенист-эпидемиолог дәрігері, 2010 жылы Ресей Федерациясы Төтенше жағдайлар министрлігінің Азаматтық қорғау академиясын бітірген, "командалық-штабтық оперативті-тактикалық азаматтық қорғаныс" мамандығы бойынша басқару саласындағы маманы, 2019 жылы Мәскеу қаласындағы "Синергия" Мәскеу қаржы-өнеркәсіп университетін бітірген, Құқықтану магистрі.

Еңбек өтілі:

• 2001 мен 2009 жылдар аралығында Оңтүстік Қазақстан облысы ТЖ басқармасының аға офицері.
• 2010 мен 2012 жылдар аралығында ҚР ТЖМ Азаматтық қорғаныс департаментінің халық пен аумақты қорғау басқармасының бастығы.
• 2012 мен 2014 жылдар аралығында ҚР ТЖМ Ақтөбе облысы ТЖД бастығының орынбасары.
• 2014 пен 2015 жылдар аралығында ҚР ІІМ ТЖК Ақтөбе облысы Төтенше жағдайлар департаментінің бастығы.
• 2015 пен 2019 жылдар аралығында ҚР ІІМ ТЖК Ақтөбе облысы Төтенше жағдайлар департаментінің бастығы.
• 2019 жылғы қараша айынан бастап ҚР ІІМ ТЖК Нұр-Сұлтан қаласы Төтенше жағдайлар департаментінің бастығы.
• 2020 жылғы желтоқсан айынан бастап ҚР Төтенше жағдайлар министрлігі Азаматтық қорғаныс және әскери бөлімдер комитетінің төрағасы.

Бұған дейін Ерлан Нұрпейісовтің Төтенше жағдайлар вице-министрі болып тағайындалғанын хабарлаған едік.