Вера Ким Мәжіліс депутаты атанды

Вера Ким, Мәжіліс депутаты, ҚР ОСК, сурет - Zakon.kz жаңалық 19.09.2023 20:07

Сурет: ҚР ОСК баспасөз қызметі

ҚР Орталық сайлау комиссиясы 19 қыркүйекте Вера Кимді ҚР Парламенті Мәжілісінің депутаты ретінде тіркеді, деп хабарлайды Zakon.kz.

19 қыркүйекте Орталық сайлау комиссиясының төрағасы Нұрлан Әбдіровтің жетекшілігімен ведомство отырысы өтіп, онда "Қазақстан Республикасы Парламенті Мәжілісінің депутаты В.А. Кимді тіркеу туралы" қаулы қабылданды.

Нұрлан Әбдіров Вера Кимге белгіленген үлгідегі куәлік пен төс белгіні табыстап, оған депутаттық корпустағы жұмысына сәттілік тіледі.

Вера Ким 1982 жылы Павлодар облысында дүниеге келген.

2003 – 2012 жылдар аралығында Павлодар қалалық әлеуметтік-волонтерлік орталығында, "Әлеуметтік-волонтерлік орталығы" жастар қоғамдық бірлестігінде, "Қазақстанның Азаматтық альянсы" заңды тұлғалар бірлестігінде түрлі қызмет атқарды.
2012 жылы - "Ұлттық волонтерлік желісі" заңды тұлғалар бірлестігінің төрағасы.
2017-2021 жылдары - "Zhasproject" жастар корпусын дамыту жобасының үлестіру агенттігінің басшысы.
2021 – 2023 (қаңтар) жылдар аралығында – "Amanat" партиясы атынан Мәжілістің VII шақырылым депутаты.

Айта кетсек, 31 тамызда Мәжіліс депутаты Ғалымжан Елеуовтің өкілеттігі тоқтатылды. 4 қыркүйекте оның Ақтөбе облысы әкімінің орынбасары болып тағайындалғаны белгілі болды.

Оқи отырыңыз